من طرف المعاني الحقيقية لبعض المصطلحات الشامية:
بدك الصراحة ولا بنت عمّا ---- مقدمة لكذبة من الحجم العائلي
شو بدك بطول السيرة ---- جملة محشورة داخل قصة يزيد عدد كلماتها عن 100000000 كلمة.
وما شفنالك إلا ... ---- يعني موسيقى تصويرية قوتها 7.9 على ريختر لقصة سخيفة.
وما كذبت خبر ---- عبارة تمهيدية لافتتاح أمجاد وبطولات شخصية ما صارت إلا بالخيال.
إنت لسا ما بتعرفني ---- تقال بعد أن يشعر المتكلم انه تبهدل وانمسحت كرامتو بالأرض.
الله يستر عليها .. ما لنا علاقة نحن ---- تقال بعد نهاية قصة تم فيها نشر عرض جميع بنات الحارة وصديقات بنات الحارة.
اشتهيناك تكون معنا ---- تقال لحرق أعصاب المستمع وإذلال شعوره.
أنا، لا تواخذني بهل الكلمة ---- عبارة تهيئك نفسياً لسماع مسبّة وبهدلة ولكن بطريقة أدبية.
أنا ولله مو فارقة معي ---- تدل على اهتمام المتحدث بالموضوع لدرجة الموت.
سيدي... ما علينا ---- محاولة لترتية حديث بايخ سبقه سبب للمتحدث إحساس بأنه أسخف شخص في العالم.
عيّن خير ---- انسى الموضوع.